ألـعـاب - افلام عربي | افلام اجنبي | اغاني | شعبي | كليبات ...
 
الرئيسيةالبوابة*س .و .جبحـثالتسجيلالأعضاءالمجموعاتدخول

شاطر | 
 

 شوف الام نفسها فى ايه

اذهب الى الأسفل 
كاتب الموضوعرسالة
العضو الذهبي
عضو مميز
عضو مميز


عدد الرسائل : 130
نقاط : 0
تاريخ التسجيل : 22/07/2008

مُساهمةموضوع: شوف الام نفسها فى ايه   الأحد يوليو 27, 2008 6:41 pm


طيب و انتى نفسك يطلع ابنك ايه؟

بواب

إيه....؟

بوااااب



لأ انتى من كتر الفرسه مخك لسع

ابدا يا حبيبى

إزاى عاوزاه يمسح سلم العماره يعنى....؟

ليه....؟ هوه كان عم أحمد البواب بيمسح السلم....؟.... دول همه جردلين ميه بيندلقوا على السلم...،ويااريت هوه اللى بيدلقهم ده انا واحد و جارتى واحد...و بيسيب الميه تنزل على السلم و لا بينشف و لا حاجه، و ان قلتله نشف يقولك طراوه الهوا دلوقتى ينشفها

إيه .....انت مالك عمال تعمل بوشك كده...؟......

....يعنى بصراحه مش فاهم ....عاوزاه يكنس السلم يا مفروسه؟

ليه...؟.... هوه كان عم احمد بيكنس السلم ، ماهو على ايدك لما بنقوله....يقولك ده انا لسه كانسه و لا بيبقى كانسه و لا حاجه

اللهم ما طولك يا روح

ايه بس يا حبيبى انا عاوزه ابنى يبقى مستريح فى حياته

مفرووووسه عاوزاااااااه ينظف العربياااااات....؟

ليه....؟ هوه عم أحمد بينظف عربيات؟ ده ياحبة عين أمه بيجر الخرطوم اللى فى الجنينه و يرش العربيات كلها مره واحده....ده حتى بيسبها للهوا ينشفها من باب الطراوه برضه.....

مفروسه انتى شكلك حتموتينى ناقص عمر

بس من غير ماتنفشلى مناخيرك و تطلعلى منها هوا...احنا ابننا علشان يروح المدرسه حنقعد نحوش و ندبق علشان ندخله مدرسه تليق بينا و يتعلم تعليم كويس...و لو الواد بقى طلع ما بيحبش المذاكرة.....أحم......حنقعد نصوت ذاكر يا واد...حتسقط يا منيل.....خساره فيك الفلوس اللى بتندفعلك....وكلام بقى اللى بيقولوه الناس لولادهم...الفوكابولير ...بتاع التلامذه الخيبانه....وانت تتخانق معايا و تقولى يا هانم ماهو طبعا انتى مش فاضيه للواد قاعده على الكمبيوتر ....و بعدين يعنى هوه لو ربنا جبر بخاطره و طلع فالح حيشتغل إيه ممكن تقولى....؟

....طيب بلاش تقولى حيشتغل إيه ....ممكن تقولى حيشتغل بكاام ؟

كبيره اول مرتب لو اشتغل فى الحكومه 300 جنيه و يطلعوا حباب عنيه بيهم...و لو اشتغل فى قطاع خاص

كبيره 500 جنيه و حيجننوه و يمصمصوا دمه و يخلوه يحول و يتكسح بيهم



بص على عم أحمد بياخد 500 و ما بيعملش حاجه و احنا فى الطالعه و النازله بنديله

ولا بيدفع ايجار و لا ميه و لا كهربا ...

و النصيبه كمان الراجل مش عاجبه قاعد .على باب.العماره طول اليل و النهار يسمع فى الراديو اللى برضه انا جايباهوله كأنه قاعد على باب الدوار بتاع بلدهم

و برضه مش عاجبه...عاوز المرتب يزيد..
.وبعدين الراجل نزييه

انت ناسى لما المكوجى مره بيسألنى هوه الأستاذ احمد اللى تحت حيجى امتى؟

استاذ أحمد مين يا ابنى ماعنداش حد تحت إسمه الاستاذ أحمد

يا مدام الاستاذ احمد اللى ساكن تحت السلم ممكن اسيب المكواه بتاعته عند حضرتك؟

و الله عال....ّّّ!!!!!! حطهاله يابنى على الكرسى اللى بيقعد عليه


..بلاش...انت ناسى لما اصطادك و انت رايح صلاة الجمعة و رحتك مفحفحة بارفان ....

و قالك ماتشوفلى عندك يا باشمهندس ازازة ريحه......لجل الواحد يتكلين بيها...ناسى ...؟..لو كنت ناسى افكرك



وبعدين حد يطول ان ابنه يشتغل مدير.....انت بتودى و شك الناحيه التانيه لييييه؟

بصلى و انا بكلمك....وكمان وطى الكوره ديه ...

مش عم أحمد علشان البيه العمده المدير ما يلمش مننا اكياس الزباله بنفسه

بيستلقط واد عيل من الشارع يمسكه من قفاه و يطلع معاه الواد هوه اللى يلم و هو مشرف عليه بس

عم أحمد بيخاف ايده تتوسخ......ويدى الواد جنيه ولا حاجه فى الاخر



و قال ايه مش عاجبه....؟

ايه انت طفيت التلفزيون لييه....؟

ايه ده انت بتلبس...؟ انت خارج و لا ايه...؟

انت مش بترد عليا ليه..؟

استنننننى......

مفرووووووووووووسه

نعم يا حبيبى

انا مش عواز عيااااااااااال



طااااااااااااااااااخ

ده باب الشقه اللى اترزع ...بس ولا يهمكوا

بس كل ده لو جبنا ولد...أمال يا بت يا مفروسه لو جاتلك بنت...؟


80547
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قاتل مأجور
عضو سوبر
عضو سوبر
avatar

عدد الرسائل : 1251
نقاط : 1262
تاريخ التسجيل : 10/06/2010

مُساهمةموضوع: رد: شوف الام نفسها فى ايه   الأربعاء يونيو 16, 2010 4:03 pm

ههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شوف الام نفسها فى ايه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة منتديات قلعة التميز :: ™«المنتديات العامه»™ :: منتدى الكوميديا والضحك-
انتقل الى: